भारतीय दंड संहिता 2023 कायदयात नव्याने सुधारणा होवून रस्ता अपघातात ट्रक चालकास 10 वर्षाची शिक्षा केल्याचे निषेधार्थ दिनांक 09.01.2024 रोजीचे मध्यरात्री पासुन वाहन चालक व मालक संघटना हया बेमदत संपावर जाणार असल्याची व सदर कायदया अंतर्गत नांदेड जिल्हयात एस.टी. चालकास अटक करण्यात आले बाबतची खोटी व बनवाट अडिओ क्लिप समाज माध्यमावर व्हायरल होत आहे.
सदर व्हायरल अडिओ क्लिपच्या अनुषंगाने माहिती घेतली असता सदर कायदया अंतर्गत नांदेड जिल्हयात कोणत्याही एस.टी. चालकास अटक करण्यात आलेली नाही. तसेच दिनांक 09.01.2024 रोजी नांदेड जिल्हयात व महाराष्ट्रात कुठल्याही प्रकारचा बे-मुदत संप नाही त्या बाबत चालक मालक संघटनांचे पदाधिकारी यांनी संप नसले बाबत दुजोरा दिला आहे. सदरची व्हायरल अॅडीओ क्लिप कोणी तरी अज्ञात व्यक्तीने खोडसाळपने व्हायरल केली आहे.
सदरची अडिओ क्लिप हि बनावट असुन अशा कोणत्याही बनावट अडिओ / व्हिडोओ क्लिपवर विश्वास ठेवु नये अफवा पसरवणारे व्यक्ती बाबत काही माहीती असल्यास नांदेड पोलीस अधिक्षक कार्यालय किंवा पोलीस नियंत्रण कक्षाशी संपर्क साधावा. त्यांचेवर कायदेशीर कडक कार्यवाही करण्यात येईल असे आव्हान मा. श्रीकृष्ण कोकाटे, पोलीस अधिक्षक, नांदेड यांनी केले आहे.
