नांदेड दक्षिण विधानसभा: वंचित बहुजन आघाडीचे फारूक अहमद यांच्या प्रचार कार्यालयाचे भव्य उद्घाटन
नांदेड, 8 ऑक्टोबर: वंचित बहुजन आघाडी (VBA) ने ८७-नांदेड दक्षिण विधानसभा मतदारसंघातून आपले अधिकृत उमेदवार फारूक अहमद यांच्यासाठी प्रचाराच्या मोहिमेची शानदार सुरुवात केली. रविवारी त्यांच्या मध्यवर्ती प्रचार कार्यालयाचे उद्घाटन वंचित बहुजन आघाडीच्या नेत्या अंजलीताई आंबेडकर यांच्या हस्ते पार पडले. हा कार्यक्रम सकाळी ११:३० वाजता आयोजित करण्यात आला होता, ज्यामध्ये VBA कार्यकर्ते आणि स्थानिक नागरिक मोठ्या संख्येने सहभागी झाले.
कार्यक्रमादरम्यान, अंजलीताई आंबेडकर यांनी सभा संबोधित करताना पक्षाची विचारधारा आणि फारूक अहमद यांच्या उमेदवारीचे महत्त्व स्पष्ट केले. त्या म्हणाल्या, “फारूक अहमद हे या मतदारसंघातील वंचित समाजाचे खरे प्रतिनिधी ठरतील आणि त्यांच्या हक्कांसाठी संघर्ष करतील. वंचित बहुजन आघाडीचे ध्येय सामाजिक न्याय आणि समतामूलक समाजाची स्थापना करणे आहे.”
या प्रसंगी VBA महाराष्ट्रचे उपाध्यक्ष ऍड. गोविंद दळवी, सर्वजित बनसोडे, भदंत पैय्या बोधी, प्रशांत इंगोले, सुनील सोनसडे, श्याम कांबडे, विठ्ठल गायकवाड, विनायक गजभार, निरंजना ताई आवते आणि अय्यूब खान यांच्यासह अनेक पदाधिकारी आणि स्थानिक नेते उपस्थित होते.
उद्घाटन सोहळ्यानंतर अंजलीताई आंबेडकर यांनी माध्यमांशी संवाद साधला आणि नांदेड दक्षिण मतदारसंघातील समस्या तसेच पक्षाची आगामी निवडणूक रणनीती यावर विचार मांडले. त्यांना सांगितले की, वंचित बहुजन आघाडीचा उद्देश म्हणजे सत्तेत येऊन वंचित आणि मागासलेल्या समाजघटकांच्या समस्या सोडवणे आणि त्यांना प्राधान्य देणे आहे.
या उद्घाटनाने VBA च्या निवडणूक प्रचाराला नवा गती मिळाला असून, फारूक अहमद यांच्या उमेदवारीला आता स्थानिक पातळीवर अधिक सकारात्मक प्रतिसाद मिळण्याची दाट शक्यता आहे.
