अबिनाश कुमार, पोलीस अधीक्षक, नांदेड यांनी नशा करण्यासाठी वापरण्यात येणाऱ्या अंमली पदार्थाची ब्रिक्री करणारे व्यक्तींची माहिती काढुन, त्यांचे विरुध्द कारवाई करण्याचे आदेश दिले होते. त्या अनुषंगाने (Operation flush out) अंतर्गत पो. नि. श्री. उदय खंडेराय, स्थानिक गुन्हे शाखा, नांदेड यांचे मार्गदर्शना खाली पथकातील पोलीस उप निरीक्षक श्री. आनंद बिचेवार यांना दिनांक ०६.०९.२०२४ रोजी माहिती मिळाली की, नांदेड शहरात एक इसम अंमली पदार्थ आफीमची विक्री करण्यासाठी येणार आहे.
त्यावरुन त्यांनी सदरची माहिती वरिष्ठांना देवुन, महसुलचे राजपत्रित अधिकारी श्री. एस. व्हि. दिघलवार, नायब तहसिलदार, नांदेड यांचेसह शासकिय पंच व पोलीस अंमलदार यांचेसह साफळा रचुन, पोलीस ठाणे वजिराबाद हद्दीत बंद असलेल्या सचखंड सिख हॉस्टेलचे इमारतीसमोर मोकळ्या जागेत छापा मारला. तेथे काटया कुटयाचे झुडपाचे आडोशाला इसम नामे सुखविंदरसिंघ सुरेंद्रसिंघ कालो वय २८ वर्ष व्यवसाय बेकार रा. गुरुव्दारा गेट क्रं. ०४, बडपुरा, नांदेड हा संशईत रित्या बसलेला दिसुन आला. त्यास ताब्यात घेवुन अंगझडती घेतली असता त्याचे ताब्यात लोकांना विक्री करण्याचे उद्देशाने आणलेला २७ ग्रॅम वजनाचा अंमली पदार्थ आफीम व एक इलेक्ट्रीक वजन काटा असा एकुण रु. ५,९००/- चा मुद्देमाल मिळुन आल्याने तो जप्त करण्यात आला आहे. त्याचे विरुध्द पोलीस ठाणे वजिराबाद येथे गु.र.नं. ४४६/२०२४ कलम ८ (C), १७ (B) एन. डी. पी. एस. अॅक्ट १९८५ प्रमाणे गुन्हा दाखल करण्यात आला आहे. सदरचा माल हा कोठुन आणला याबाबत पुढील तपास चालु आहे.
सदरची कामगीरी मा. श्री. अबिनाश कुमार, पोलीस अधीक्षक नांदेड, मा. श्री. खंडेराव धरणे, अपर पोलीस अधीक्षक, भोकर, मा. श्री. सुरज गुरव, अपर पोलीस अधीक्षक, नांदेड यांचे मार्गदर्शना खाली पोलीस निरीक्षक श्री. उदय खंडेराय, स्थानिक गुन्हे शाखा, नांदेड, सहा. पोलीस निरीक्षक श्री. आर. डी. वटाने, पो. स्टे. वजिराबाद, पोलीस उप निरीक्षक श्री. आनंद बिचेवार, पोलीस अंमलदार गंगाधर कदम, प्रभाकर मलदोडे, किशन मुळे, संजीव जिंकलवाड, ज्वालासिंघ बावरी, धम्मानंद जाधव, संतोष बेलुरोड, हेमंत बिचकेवार, महिला पोलीस अंमलदार किरण बाबर यांनी पार पाडली आहे. वरिष्ठांनी त्यांचे अभिनंदन केले आहे.
