नांदेड पोलीस दलातील दोन पोलीस अधिकारी, तीन श्रेणी पोउपनि, नऊ पोलीस अंमलदार हे नियत वयोमानानुसार दिनांक 31.05.2023 रोजी सेवानिवृत्त होत आहेत. मा. श्रीकृष्ण कोकाटे, पोलीस अधिक्षक नांदेड यांचे हस्ते सर्व सेवानिवृत्तांचा पुष्पगुच्छ, शाल श्रीफळ व भेट वस्तु देवून सत्कार करण्यात आला. सदर सेवानिवृत्त समारंभ पोलीस अधिक्षक साहेब यांचे कक्षात पार पडला. सर्व सेवानिवृतांनी आता आपल्या कुटूंबाकडे लक्ष द्यावे तसेच आपले पाल्यांना उच्च शिक्षीत करून समाजाच्या सेवेमध्ये आणावे देश सेवेची सेवा करण्याची जिद्द बाळगावी अशा प्रकारचा सल्ला दिला. सदर सेवानिवृत्त समारंभास मा. श्री नामदेव रिट्टे, पोनि पोलीस कल्याण श्री शिवाजी लष्करे, सपोनि तथा जनसंपर्क अधिकारी नांदेड, मपोउपनि श्रीमती माया भोसले, पोलीस कल्याण विभाग नांदेड व ईतर शाखेचे पोलीस अधिकारी व अमलदार कर्मचारी मोठया संख्येने हजर होते. सदर कार्यक्रमाचे सुत्रसंचालन सपोउपनि विठ्ठल कत्ते, यांनी केले असुन, मपोकों राखी कसबे, पोलीस कल्याण, यांनी कार्यक्रमाचे उत्तम प्रकारे आयोजन केले.
