‘बाथरूमला जाऊ द्या’ दारुडा ACP रात्री शिरला लोकांच्या घरात, औरंगाबादमधील घटना
दारूच्या नशेत तर्राट झालेला विशाल धुमे याला काही सुधरत नव्हते. त्याने एका घरात घुसण्याचा प्रयत्न केला आणि मला घरातलं बाथरूम वापरू द्या, अशी मागणीच केली. एवढ्या रात्री दारूच्या नशेत एक पोलीस अधिकारी दारावर आल्यामुळे घरातील सदस्य घाबरून गेले. त्यांनी या विशाल धुमेला इथून जाण्यास सांगितले.
पण, दारूच्या नशेत टूल असलेल्या या अधिकाऱ्याने अरेरावी सुरू केली. त्यामुळे या परिसरातील नागरिक गोळा झाले. त्यांनी आधी या अधिकाऱ्याची समजूत काढली पण तो काही ऐकायच्या मनस्थितीत नव्हता. त्याची अरेरावी सुरूच होती.
अखेर संतापलेल्या नागरिकांनी पोलिसांना घटनेची माहिती देण्यात आली. पोलिसांनी घटनास्थळी धाव घेऊन एसीपी धुमेला ताब्यात घेतले. दरम्यान, विरोधी पक्षनेते अंबादास दानवे आज सकाळी पोलीस ठाण्यात दाखल झाले. या पोलिसाने घरातील सदस्यांना मारहाण केल्याचा आरोप त्यांनी केला.
