नांदेडमधून येऊन मुंबईत बस्तान, एसटी आंदोलनातून प्रकाशझोतात, मराठा आरक्षणाला विरोध करणारे कोण आहेत गुणरत्न सदावर्ते?

ॲडव्होकेट गुणरत्न सदावर्ते हे मूळचे नांदेडचे आहेत. त्यांनी एमबीबीएसपर्यंतचं शिक्षण घेतलं. याच काळात विद्यार्थ्यांसाठी अनेक आंदोलन केली. त्यांचं शिक्षण संभाजीनगर आणि मुंबईत झालं. काही वर्षांपूर्वी सदावर्ते नांदेडहून येऊन मुंबईत स्थायिक झाले आणि वकिली करू लागले. भारतीय राज्यघटनेचे ते अभ्यासक आहेत. किंबहुना त्यांनी संविधानावर पीएचडी केलीये. मॅट कोर्टातील विविध केसमुळे ते सातत्याने चर्चेत असतात. डॉक्टरांना काम बंद न करू देण्याची केस, सुप्रीम कोर्टातील ५० लाख कर्मचाऱ्यांचा खटला, मराठा आरक्षण आणि एसटी आंदोलन या त्यांच्या काही प्रमुख केस आहेत. सदावर्तेंचे वडील हे भारिप बहुजन महासंघाकडून नांदेडमध्ये नगरसेवकही होते.

अनिल देशमुख यांच्याविरोधात जयश्री पाटील यांनी मलबार हिल पोलीस स्टेशनमध्ये तक्रार दिली होती आणि उच्च न्यायालयातही याचिका दाखल केली होती. अनिल देशमुख बिझनेसमनकडून १०० कोटी वसूल करतात. ते स्वतः मराठा पुढारी आहेत, मसल पॉवर आहेत. इतकंच नाही तर शरद पवारांचा वरदहस्त त्यांच्या डोक्यावर आहे. पण ते ताकदवान नेते असले तरी त्यांना अभय नसावं, त्यांच्या विरोधात कायदेशीर कारवाई झालीच पाहिजे, अशी मागणी जयश्री पाटील यांनी तेव्हा केली होती.