नांदेड पोलीस दलातर्फे दरवर्षा प्रमाणे या ही वर्षी रेजिंग डे दिनांक 02 ते 08 जानेवारी दरम्यान वेगवेगळे उपक्रम राबवले जातात. त्या अनुषंगाने आज दिनांक 02 जानेवारी, 2023 रोजी सकाळी 07.00 ते 08.00 वा. च्या दरम्यान मा. श्रीकृष्ण कोकाटे, पोलीस अधिक्षक नांदेड यांचे मार्गदर्शनाखाली दौडचे आयोजन करण्यात आले.
मा. जगदीश भंडरवार, पोलीस निरीक्षक, आर्थीक गुन्हे शाखा, नांदेड यांनी हिरवी झेंडी दाखवुन दौडला सुरूवात करण्यात आली. दौड करीता नांदेड शहरातील सर्व पोस्टेचे पोलीस स्टेशन प्रभारी व शाखा प्रभारी तसेच क्युआरटी, आरसीपी, स्थागुशा, पोलीस मुख्यालय येथील अंमलदार, तसेच इतर पोलीस अधिकारी व अंमलदार यांनी भाग घेतला होता. सदरची दौड ही पोलीस अधिक्षक कार्यालय येथुन सुरू होवुन छत्रपती शिवाजी महाराज पुतळा, महात्मा गांधी पुतळा, गुरूव्दारा चौरस्ता, देना बँक, महावीर चौक, मल्टी पर्पच हायस्कुल समोरून तरोडेकर मार्केट, वजिराबाद चौक, पोलीस अधिक्षक कार्यालय नांदेड अशा प्रकारे दौड संपन्न झाली.
या प्रसंगी मा. जगदीश भंडरवार, पोलीस निरीक्षक, आर्थीक गुन्हे शाखा, नांदेड, मा. उदय खंडेराय, पोलीस निरीक्षक, स्थागुशा, नांदेड, मा. संतोष तांबे, पोनि इतवारा, मा. श्री विजय धोंडगे, रापोनि पोलीस मुख्यालय नांदेड, श्री शिवाजी लष्करे, सपोनि तथा जनसंपर्क अधिकारी नांदेड, शहरातील विविध पोलीस स्टेशन, शाखेचे अधिकारी व अंमलदार यांनी मोठ्या प्रमाणात सहभाग नोंदवला.
