दिनांक २३.१२.२०२२ रोजी अक्षरोदय साहित्य मंडळ, महाराष्ट्र ची बैठक संपन्न झाली. ही बैठक जेष्ठ साहित्यिक मारोती मुंडे यांच्या अध्यक्षतेखाली संपन्न झाली. या बैठकीत आगामी येणाऱ्या कार्यक्रम बद्दल चर्चा करण्यात आली. अक्षरोदय साहित्य मंडळ महाराष्ट्र राज्याचे सल्लागार स्वतंत्र सैनिक भीम शाहीर विठ्ठलराव जोंधळे यांचे निधन गेल्या वर्षी १ जानेवारी ला झाले यांच्या स्मृतीला उजाळा म्हणून मंडळाने येत्या १ जानेवारी रोजी महाराष्ट्र राज्याचे सल्लागार स्वतंत्र सैनिक भीम शाहीर विठ्ठलराव जोंधळे स्मृती पुरस्कार देण्याचे बैठकीत ठरले आहे या कार्यक्रमात भीम शाहीर विठ्ठलराव जोंधळे यांच्या आठवणींना उजाळा देण्यात येईल व भव्य कविसंमेलन घेण्यात येणार आहे व बैठकीत चर्चा केल्यानंतर मंडळ पदाधिकारी यांनी भोकर येथे परिवर्तनवादी भीम शाहीर मा. बाबुराव गाढेकर याना भीम शाहीर विठ्ठलराव जोंधळे पुरस्कार जाहीर झाल्याचे बैठकीत घोषित करण्यात आले.
या वर्षी अक्षरोदय साहित्य मंडळ, महाराष्ट्र राज्य यांच्या कडून एक दिवसीय साहित्य संमेलन घेण्याचे ठरले आहे व या साहित्य संमेलनाची जोरदार तयारी करण्यात येत आहे. या बैठकीसाठी मंडळाचे अध्यक्ष मारोती मुंडे, सचिव नरेंद्र धोंगडे सहसचिव चंद्रकांत चव्हाण, कोषाध्यक्ष सौ. उषाताई ठाकूर मंडळाचे कार्याध्यक्ष सदानंद सपकाळे हे उपस्थित होते या बैठकीचे आभार नरेंद्र धोंगडे यांनी केले.
