श्रीमती नीती सरकार, डीआरएम नांदेड यांनी औरंगाबाद स्थानकावर स्वच्छ संवाद अंतर्गत प्रवाशांशी संवाद साधला – स्टेशन प्लॅटफॉर्म आणि ट्रेनची स्वच्छता राखण्यासाठी रेल्वेला मदत करण्याचे प्रवाशांना आवाहन
स्वच्छता पखवाडा-2023 चा एक भाग म्हणून श्रीमती. नीती सरकार, विभागीय रेल्वे व्यवस्थापक, नांदेड यांनी औरंगाबाद रेल्वे स्थानकाला गर्दीच्या वेळी भेट दिली आणि यावेळी त्यांना प्लॅटफॉर्म स्वच्छ असलेले आढळले. स्वच्छता संवादाचा एक भाग म्हणून औरंगाबाद रेल्वे स्थानकावरील आणि तपोवन एक्स्प्रेसमधील प्रवाशांशी संवाद साधला आणि स्टेशन प्लॅटफॉर्म आणि ट्रेन्सची स्वच्छता राखण्यासाठी रेल्वेला मदत करण्यासाठी त्यांचे सहकार्य मागितले. कचऱ्याची विल्हेवाट लावण्यासाठी प्लॅटफॉर्मवर आणि ट्रेनमध्ये दिलेल्या डस्टबिनचा वापर करण्यास प्रोत्साहित केले. जर प्रवाशांना गाड्यांमध्ये आणि स्थानकांवर कचरा आढळला तर ते ऑन-ड्युटी कर्मचार्यांशी संपर्क साधून ते त्वरित रेल्वे प्रशासनाच्या निदर्शनास आणू शकतात जे ते त्वरित काढून टाकतील. ते 139 डायल करून किंवा ‘रेल-मदत’ अॅपद्वारे त्यांची तक्रार नोंदवू शकतात. स्वच्छता सुधारण्यासाठी रेल्वे प्रशासन सर्वतोपरी प्रयत्नशील आहे असे श्रीमती नीति सरकार यांनी सांगितले.
रेल्वे मंत्रालय 16 सप्टेंबर 2023 ते 30 सप्टेंबर 2023 या कालावधीत स्वच्छता पखवाडा 2023 पाळत आहे. स्वच्छता पखवाडा – 2023 चे उद्घाटन श्रीमती. जया वर्मा सिन्हा, चेअरपर्सन आणि सीईओ, रेल्वे बोर्ड यांच्या हस्ते दिनांक 15 सप्टेंबर 2023 रोजी रेल्वे भवन दिल्ली येथे केले. व्हिडिओ कॉन्फरन्सिंगद्वारे जोडलेल्या रेल्वे झोन आणि विभागांचे वरिष्ठ अधिकारी यांच्यासह रेल्वेच्या कर्मचाऱ्यांचा समावेश असलेल्या संपूर्ण रेल्वे कुटुंबाला स्वच्छता प्रतिज्ञा देण्यात आली. संपूर्ण रेल्वे कुटुंबाने घेतलेली स्वच्छता प्रतिज्ञा स्वच्छतेच्या प्रति वचनबद्धतेवर केंद्रित आहे, स्वच्छतेसाठी प्रति वर्ष शंभर तास घालवणे आणि स्वच्छ भारत मिशनचा संदेश प्रसारित करणे हे उदिष्ट ठरविण्यात आले आहे.