बँक ऑफ इंडियाच्या ग्राहकांना झटका! आता पडणार खिशावर ताण, बदलला ‘हा’ नियम
ओव्हरनाइट MCLR मध्ये 40bps ची वाढ
BSE सोबत शेअर केलेल्या माहितीनुसार, बँक ऑफ इंडियाने रातोरात MCLR 40 बेस पॉईंटने वाढवला आहे. तो 7.50 टक्क्यांवरून 7.90 टक्के करण्यात आलाय. एका महिन्याच्या मार्जिनल कॉस्ट ऑफ लेंडिंग रेट्समध्ये 15 बेसिस पॉइंट्सची वाढ करण्यात आली आहे. तो आता 7.95 टक्क्यांवरून 8.10 टक्के झालाय. एमसीएलआरमध्ये तीन महिन्यांसाठी 20 बेसिस पॉइंट्सची वाढ करण्यात आली आहे. तो 8 टक्क्यांवरून 8.20 टक्के झाला आहे.
1 वर्षाचा MCLR आता 8.60 टक्के
त्याचप्रमाणे, सहा महिन्यांच्या MCLR दरात 15 बेसिस पॉइंट्सने वाढ करण्यात आली आहे. तो आता 8.25 टक्क्यांवरून 8.40 टक्क्यांवर पोहोचला आहे. मार्जिनल कॉस्ट रेटमध्ये 1 वर्षासाठी 10 बेसिस पॉइंट्सने वाढ करण्यात आली आहे. तो 8.50 टक्क्यांवरून 8.60 टक्के झाला आहे. 3 वर्षांसाठीचा MCLR रेट देखील 10 बेसिस पॉईंटने वाढवण्यात आला आहे. तो 8.70 टक्क्यांवरून 8.80 टक्के झालाय.
RPLR कमी होऊन 9.25 टक्क्यांवर आलाय
बँक ऑफ इंडियाने रेपो बेस्ड लेंडिंग रेट्स म्हणजेच RBLR साठी मार्क-अपमध्ये 10 बेसिस पॉइंट्सनी कमी केला आहे . तो 2.85 टक्क्यांवरून 2.75 टक्के करण्यात आला आहे. सध्या रेपो दर 6.50 टक्के आहे. या मार्क-अप दरासह, निव्वळ RPLR 9.25 टक्के होतो. पूर्वी तो 9.35 टक्के होता. RPLR मधील बदल 1 एप्रिलपासून लागू होणार आहे.
